SALAVKIYLAR DAVLATINING JAHON SIVILIZATSIYASI RIVOJIGA QO‘SHGAN HISSASI

Abstract

Salavkiylar davlati qadimgi dunyo tarixida ellinizm vorisi bo‘lgan qudratli sharq davlatlaridan biri hisoblanadi. Ushbu davlat sarhadlari ulkan hududlarni egalladi va ushbu o‘lkalardagi xalqlar madaniyatini o‘zaro uyg‘unlashuviga hissa qo‘shdi. Davlat Aleksandr Makedonskiy harbiy harakatlari natijasida boshlangan va ilk o‘rta asrlar davrigacha O‘rta Osiyo xalqlari hayotida mavjud bo‘lgan ellinizm ya’ni Sharq hamda yunon-makedon xalqlari madaniy aralashuvi, uyg‘unlashuvi jarayonida muhim o‘rin tutdi. Salavkiylar davlati o‘zining boy madaniyati, savdosi va harbiy salohiyati bilan mashhur edi. Ular yunon madaniyatini sharqqa tarqatishda muhim rol o‘ynaganlar va o‘zlarining Antioxiya, Salavkiya kabi shaharlari namunasida yunon san'ati, arxitekturasini rivojlantirdilar.