XORAZM HUDUDIDAGI ARXEOLOGIK TADQIQOTLAR VA MANBALAR TARIXIDAN

Аннотация

Ushbu maqola Xorazm hududidagi bronza davri arxeologik yodgorliklarini va ularning tarixiy manbalardagi aksini o‘rganishga bag‘ishlangan. Xorazm bronza davri Markaziy Osiyoning o‘ziga xos madaniy va ijtimoiy jarayonlarini ifodalaydi va ushbu davrda shakllangan turli madaniyatlar yuqori rivojlanish darajasi bilan ajralib turgan. Maqolada qadimiy qo‘rg‘onlar, mozorlar va turli xil ashyoviy topilmalar orqali bronza davridagi Xorazm aholisi turmush tarzi, iqtisodiy faoliyati, diniy e’tiqodlari va texnologik bilimlari yoritilgan. Bundan tashqari, maqola Xorazmning bronza davriga oid madaniy obidalarni tadqiq qilishda mahalliy va xorijiy arxeologlarning o‘rganish ishlari va ularning ilmiy natijalari haqida ham ma’lumot beradi. Shu bilan birga, maqolada Xorazm hududidagi qadimgi madaniyatlar va ularning mintaqaviy hamda xalqaro aloqalari haqida ilmiy nazariyalar keltirilgan. Ushbu tadqiqotlar bronza davri Xorazmining Markaziy Osiyoda va undan tashqaridagi boshqa qadimiy madaniyatlar bilan aloqadorligini ochib beradi va ushbu madaniy boylikning ilmiy ahamiyatini ta’kidlaydi.