Эски Лангар ва ишқия тариқати

Abstract

Мақолада эпиграфик, генеалогик, археологик ва тарихий методлар асосида илмий информация тўпланиши натижасида ишқия тасаввуф марказларидан бири бўлган Эски Лангар комплекси тадқиқ қилинган. Тадқиқот Қашқадарё вилоятининг Чироқчи туманидаги Эски Лангар қишлоғи ҳудудида ўтказилган бўлиб XV-XX асрларга оид эпиграфик ва меъморий ёдгорликларни қамраб олган. Мазкур тадқиқотда тасаввуф биродарлиги марказлари, уларнинг бу минтақадаги тармоғлари, шунингдек ушбу тасаввуф тариқатининг пирлари, намояндалари ўрганилган. Тадқиқотда қўлёзма манбалар, эпиграфик ёдгорликлар, архив материаллари ва муаллифнинг дала тадқиқотлари натижасида тўплаган материал ва далилларидан фойдаланилган.